焯球的經驗(041126)
出體報告 2004年11月24日
我今晚2點幾先訓，所有人都訓哂。黑麻麻，得我一個訓係度。我完全冇諗過要出體(因為其實我一向係基督教徒，因為新時代運動同基督教有很大沖擊，所以我冇故意去出體，連出體谷都不敢去。)
我訓唔到，係張床度轉黎轉去。我好眼訓……好眼訓……就到了「被鬼壓」的情況，我又感到自己能思想，可以控制呼吸(冇視力同聽力)。又有一種怪怪的感覺，但我一點都不害怕，我就咁慢慢有幻覺，到了清明夢。
我見到既野唔太記得，我淨係知我發夢，我係咁要自己去大廈頂樓(我想跳樓黎除消幻覺)，我突然感到有驚既感覺，仲有好大風的感覺。我見到我響大廈頂樓，我見到對面樓有個人(唔係我)跳左落去，我心諗：「做咩會係第三身的？！」
跟住我自己都向前沖，跟住就係勁強的離心力，勁正既感覺，我記得好似就到地時，我心中有點驚，不過不太大(呵，我連第一次玩跳樓機都唔驚的)，我竟然向地下射出蜘蛛網？！(我諗係我自己想像出黎吧！哈！)跟住我彈左幾下就落左地……
我跌落去既時見到到處綠色(好似係山地定田地，總之係郊外)，我落下後飛黎飛去，超正，我飛上飛落，空中轉體，完全自己控制，但不太熟。我想落地時，竟跌左落地底，應該話穿過左地，過左後見到所有野好似倒轉左，好似用flash把圖由上向下一直拉咁(例如：個人本來企響地，變成倒立響天板度咁)。好怪，我試過幾次都企唔到響地，穿個哂o的野，跟住唔知點我企到，跟住去左一間野，跟住我回到慢慢夢中(我感覺到的！)，但我仲知自己發夢的。跟住試多幾次跳樓，但唔記得了。