凱斯柏的經驗(050127)
又係呢個時間，我意思係返工break果1個鐘。先講下今日我精神狀況先，可以用一個累字來形容，因為今朝只係訓左2個幾鐘之後返完學又返工(有o的想死=。=)。還有本篇很長的。
回正題，返工如常到某時間break，例牌訓下順便睇下出唔出到體，係一連串夢之後(而家唔記得o的夢，不過醒果陣仲記得的)係發最後一個夢既時候有signal出現……不過出體照例失敗。
最後一個夢：只記得我去左一間K，有個女人坐左響我隔離(幾好樣c.c呵呵)，我訓左響度，醉左咁，突然見到佢拿啤酒勁倒入我左耳(好得人驚=。=)好似想殺左我咁，跟住就嚇鬼醒左。醒左我仲以為我係醉左訓響度的，然後有signal，如前所說係衰左既！！
之前大約係發左5至6個夢啦，不過時間只係過左15分鐘，再訓過。訓訓下又有signal，今次又玩上次我成功既金字塔出體法，點知都衰埋。咁我起身啦，起身果陣我身在一間屋，係我屋企來(不過其實唔係)時間變左早上，睇一睇周圍感覺無異樣(完全係假醒，不過當時係無發覺到，已經唔記得左我返緊工)，就繼續訓！！
出體1:
一訓又有signal，我好自然咁向左轉，感覺飛左落床，不過feel到自己出左來，咁我就試下飛睇下係唔係出左先，飛就飛唔到，不過跳得好高，然後我好自然咁想搵幾個人，我自己心中諗左幾個人名(有2個我知係邊個，有3個我應該係唔識既，不過我出體時既記憶中係識既，而家唔記得咩名啦)，最後我決定先搵一個，咁想瞬移，點知唔得，之後醒左，不過仲係係個我認為係我屋企既地方。
出體２:
又訓過，我想再出，點知一想signal即到，同之前一樣轉出來。出到來環境一樣，我決定唔搵人啦，出去行下，就咁係窗飛出去，一飛去左一個唔似旺角既旺角，好多人位置應該係先達附近(不過感覺好唔同的)，當我欣賞呢個環境時，畫面開始濛，我想又要回去了，然後又看一看手，又清返o的，之後我諗我想去下第二度，決定去下尖沙咀睇下咩環境，我又瞬移，好搞笑地我成身跳起(超人單手舉高姿勢)，即刻黑晒，無耐回左體＝．＝醒時仍然在我認為既屋企中。
出體３:
醒左起埋身(夢中)睇下隔離隻窗見到有個人影，不過係夢中之現實相同位置沒有人，嚇左一跳，然後唔知做咩我又去訓返！！一訓又有signal(當時勁開心，真係未試過勁出，仲要以為係現實中)，照樣咁出，出完跳出去，突然我響條後巷，再行出後巷見到一間茶餐廳(無名的=.=)仲要有個午餐牌放左出來。我飛埋去諗住記住今日有咩午餐等醒左再去睇下係唔係一樣，不過睇果陣果o的字完全唔識唔知咩字來，只係識午餐a：xxxxx、b：xxx糕xx咁上下。然後決定去返旺角，又開始睇野濛，我心中說清醒幾下後，用那個超人動作閃左去旺角，周圍行下無咩特別，又睇野濛，然後叫清醒o的都唔得，回體。
以下會簡短o的(打得好辛苦=.=)
出體４:
又係響果個屋企，又再出，跳下街，跳緊果陣心諗死了，會唔會我唔係出緊體，跌死就大濟，最後安然著地又係響後巷，心中高興，但看不到茶餐廳，去旺角(唔知點解係要去旺角)，周圍遊，超人式去老尖，睇野濛，今次叫精神o的(不停叫)周圍遊，o的環境好正。當我叫精神o的叫到不想叫時就咁回體。
出體５:(重未完，吹漲)
同樣轉出去老尖，精神o的，突然想去火星，超人式一跳去唔到=。=，轉念想去沙漠，再跳，都去唔到，就咁回體
醒返，響果個屋企(仲係果度喎=.=)，起身，見到我哥，然後出去見到……haha……阿樂方舟(唔知點解我知係佢，我完全未見過的)肥肥地唔高短髮好似有少少卷的，好似有眼鏡(唔確定)我同佢講頭先連續出左幾次，問佢知唔知。佢好似唔想同我講出體既野咁，不過我feel到佢知同佢睇住我出的=.=.然後我話去食早餐，順便去果間出體茶餐廳，我唔知想幫阿樂兄買o的咩，跟住阿樂兄又唔知計咩然後決定同我一齊出去。又見到我阿哥，佢好似知道我出左幾次體咁，不過我心諗佢要睇埋本書先(本書叫小公主的探險……唔知點解會有呢本書我又知佢要睇=。=)然後出去啦，突然我用開支筆壞左個彈弓拗左，然後去到一個閘口，見到我阿哥變左一個女仔，果個女仔要我教佢賽斯資料，我叫佢睇小公主探險(好得意)。然後一連串無相關既夢之後醒左啦……一醒先知一直發緊夢而且只係過左一個鐘(感覺過左成日)
p.s.
1.好多夢都記得晒，同埋呢o的夢好似教緊我o的野咁。
2.阿樂兄請回一回你個身型樣子係唔係同我講差唔多，又或你有無出體or發夢見到我呢？
3.小公主探險，可能係我而家睇緊既意識的探險，可能變左個女仔係我自己要教自己。
4.訓前我有諗過用意識轉去第2個層面，同放鬆。
5.呢篇野打左我9個字=.=