都美仔的經驗(050215)
前日由半夜打機打到10點幾，icq有人send左king sir個網頁黎，咁我就一直睇。睇到咁上下，我都覺得自己係時候要訓下覺，咁於是熄電腦攤上床，點知個人就累，不過因為打完機精神仲好亢奮，所以訓唔著。突然諗起覺得而家身體既狀態都幾符合網頁所講既出體喎，咁我就貪得意試下啦。我心不斷叫自己放鬆，身體好累好重，不斷往下沉，跟住身體就真係好似越黎越重咁，跟住全身痺哂。我心叫自己張開眼保持清醒同鎮定，再慢慢幻想自己郁下o的手指，之後我就聽到好嘈既雜聲，我再幻想成隻手郁，跟住好似搖下搖下咁，我就不自覺合埋左眼，就黑哂，好似向前衝咁。
果下離心力好實在咁，果陣我就驚啦，突然心諗：「真的要出體了嗎？」
跟住一切好似倒帶咁往下趺，開返眼，感覺返身體麻痺，但係都未即刻郁得到，我好驚郁唔返，不斷貶眼同郁手指，慢慢就郁得返，坐起身，望下錶，只不過過左5分鐘咋，覺得身體好累咁，個心好亂，出左好多疑問。
原來出體比想像中容易掌握，出體既感覺又比想像中實在，當時又好驚出左入唔返。同埋好驚出左去會俾「其他野」有機會侵佔左自己身體喎，我又驚出體之後，我平時睇過果o的鬼片會變成心像投射返哂出黎，
又驚見到o的唔係心象既「堅野」，因為自己有好多恐懼同憂慮，我覺得而家既心理狀態唔適合再試出體，所以直接訓覺算了。