小葵籽的經驗(050223)
今日好開心，因為訓得好沉，訓到鬧鐘響先識醒……跟住諗做乜無出體……反正唔想起身，於是同自己講：「出一出無妨……」
繼續閉眼矇矇矓矓咁訓，然後就開始天旋地轉……
1.次次都轉出黎，好悶，今日來一個鯉魚翻身，哈哈哈哈~~~~由向左側睡，360度轉體出黎，即刻開眼，已經睇到自己手手腳腳……
2.呢排成日投射左亞媽出黎。
3.有o的錯覺以為自己真係起左身，一路行去廁所，順便試下穿牆。
4.入到廁所……唔知點解變左廚房，仲要有窗，可以望到對面大廈。
5.反正無聊，今次試下自製望遠+放大鏡：伸長隻手去到對面大廈，然後用姆指同食指做一個圈，變成放大鏡，跟住，就睇到對面有一個女人正在炒菜……睇到好仔細……嘿嘿……
6.跟住想去一個朋友屋企睇下人地，點知，精神一唔集中，醒左。
突然諗起樣野，大家有冇自己留意到，如果係精神容易集中既人，可能係較容易出體。