小葵籽的經驗(050112)
今朝出體訓到半路醒左。feel到自己又出左一半，未開眼地坐起身，feel到自己仲有一半未出，咁就好大膽咁開眼，試下睇自己……發現自己好似兩頭蛇……仲有個自己仰睡中。不過，件睡衣唔同左樣。-__-
之後就去左窗口(唔想次次行走廊)嘗試穿牆……穿到個人卡左響窗口塊牆上……等左一陣，先夠膽半飛半跌出去……
第一回合，去左一個舊式私人屋苑的商場內逛街……叫東寶閣。
最離奇係醒之前，我估可能係夢境，去左另一個可能自己身體裡面黎醒……活動一輪，然後先再真係醒。
第二回合，(中略)窗外面有很多高樓大廈，有一座幾似力寶中心，我好努力咁都搵唔到中銀大廈……(事後覺得，可能係未來的維港……o的樓密到見唔到維港……更加唔好提有無龍……)
跟住醒返，又跌返落去之前另一個可能自己身體裡面黎醒，又活動一輪，真醒。
第三回合，(中略)飛左去一個海邊……似乎係某一個空間的樂園。我見到有個女仔飛過，於是我捉住佢。佢最初好驚，四圍望(應該見唔到我)，後來見到我，先定落黎……
響個奇怪的樂園裡行左陣，行左去「一個室內游水樂園」既外面，隔住玻璃睇入面o的人玩……睇睇下醒左……
在各旅程中，係一路諗住去龍宮飛下，跌下……但失敗啦……唯一係醒之前，好似見到一個似動物園的地方……有o的好似半透明的龍的東西……<--但個人當時太不清醒，我覺得好似投射出來。
另外，出體途中，有時會突然黑晒，feel到自己開始由直立變成平仰……知道係訓醒既徵兆.我會唔俾自己開眼……等待自己回到身體裡面，不要勉強自己再出體或者有任何動靜，不要留意任何東西，連眼前的黑色都忘記佢(避免個soul完全同身體感官契合)，咁樣再出機會好似大少少……^^
(不過可能只係適合果o的個soul會自己走出街活動的人…………)