wy的經驗(050119)
正話比個電話嘈醒左，講完之後再訓過，心入面一邊諗唔好訓著，但始終都係訓著左。不過我響夢入面無意中知道自己發緊夢，而當時我亦都好「清醒」咁叫自己「出體」。呢次無左o的高速向後倒退既感覺，全身痺左一陣，我就「好似」離開左肉身了……
點解話「好似」呢，我真係未試過咁清醒出體。出體後我見到自己屋企，咁當然，響夢境既屋企定真係自己屋企呢？唔知喇……於是我嘗試行出露台啦，但我用平時既行路方法，我發覺自己好似無重量咁，一步跨得又大又遠又高。簡單黎講就係感到自己輕飄飄，行一兩步已經行到出露台，我發覺自己輕飄飄後，我自己同自己講：「出左體先輕飄飄既姐。」
既然我出左體，響露台跳落去下面都唔怕啦。於是我真係向下跳落樓，向下跳後，我想飛向對面果座樓，於是我又真係向住對面果座樓既方向飛過去(當時我耳邊亦都係清楚響起空氣既呼呼聲)。
不過，飛緊去對面果座既時候，突然間o的景物唔同左，o的新式樓宇全部變晒唐樓。我望返後面，自己住緊果座都唔見埋。呢個時候，我突然間諗起king sir話常人出體最多都係幾分鐘左右，幾分鐘後會自動返回肉身。我咁一諗一諗姐，一股拉扯力量就像閃電似的「嗖」的一聲，將我拉走，周圍景物突然一黑……
前後不到一秒鐘，全身再痺一陣，我就醒了！！
我真係未試過響咁「清醒」既情況下「出體」，所以係咪真係出體自己都唔太「肯定」，我想問問有出體經驗既朋友以下四個問題：
1.覺得自己出體後，會否清楚感到自己輕飄飄沒有重量？
2.飛行時，耳邊是否會響起風聲？(未飛行時又無風聲喎)
3.突然間所有周圍景物唔同晒。
4.回體時是否有一股閃電向後拉的力量，周圍的景物突然一黑，然後一下子就回體了？