SilentHill的經驗(050216)
我在睡夢中醒來，我迷糊中看鬧鐘好像是大約下午2時，我再入睡。可能太眼訓，我很快的便讓身體睡了。之後我感覺到出體訊息，以前覺得出體訊息好辛苦，不過經歷得多，開始習慣。雖然幾辛苦下……我放鬆身體，很快的我自己知道可以離開我自己的肉體。當我抽離自己的肉體時，我發覺這次思想十分清晰，而且我亦飛得好順利。我從我房間的window飛出去，我穿過了window，從近30樓中慢慢下降。差不多到地面時，我心想可以試試到地底探險。我合上眼睛，再急速向下飛。我知道過了地面一段了，我張開眼睛，發覺自己在一條很像中古城堡的向下隧道一直掉下去……每隔數層樓的高度都會有一個洞，洞入面有燭光傳出。
掉到最底，我去到一個很特別的地方。我來到一個好像「朗豪坊」商場的地方，那裡和真的朗豪坊的間隔有多少不同，但給我的感覺是這裡的裝修很像朗豪坊……我覺得像一個上午還未有店鋪開門做生意的商場一樣。但是燈光全開，而且很美的感覺。我響度飛，見到商場兩面的牆都是落地玻璃窗。我看到外面有城市，一個很黑的城市。因為很多燈還未亮，像是上午太陽未出來的時刻。我看見外面的大廈都在下面的，即是這個商場在很高的位置。我沒有飛出去，我在商場中到處飛行。我看到數個人，我知道他們看到我的。但我沒有太過理會他們。
我大叫：「yeah~~~」
其實不用真的用口叫出來，只要在心中便行，其他人便聽到的。其中一個男人對我說了一些話，他不是對我說，只是他想，而我就會知道他對我說話似的。但好像知道我成功飛行和出體等為我高興，好像叫我加油、努力集中精神、唔好唔集中精神，之後入返夢境等……
我飛左一段時間，我去到一個好似cafe的地方，外面的景物有點像海港城的碼頭。我在cafe中和一個阿伯講野，佢同我講野，之後我問佢：「你都係出體？？」
佢就冇正面咁講到，但佢知道我係第一次出體去到呢個地下的地方。佢話我知：「我響呢度o的人同我一樣，所以同我講野，亦見到你。」
我就問個阿伯：「你有冇飛過上天係點？可唔可以話比我知道係點樣？？」
阿伯：「我試過，我見大佛祖樓、觀音樓，視乎你信咩教……」
當佢講佢飛上天見到咩的時候，我個畫面變左做佢見到的景物，我知道自己個畫面變左時個意識開始差，之後開始變夢境。我知道冇法可以唔令個畫面轉返做出體，我就叫自己醒番。當我醒番之後，我係成個人醒左。我知道成功出體出左差唔多15分鐘，我好開心……
我再訓過，希望可以再接再厲出體。我很快收到第二次出體訊息，我再次出體。
之後再一次飛出左個window，再次深入地底去返之前的地方。我去返果個好似朗豪坊咁樣的地方。我再響朗豪坊飛左一陣，我想起要飛上天，我閉上眼睛，想住要飛上天。我覺得自己好急速咁飛左一陣，發現自己上左太空。
我發覺個太空咁大同埋冇人，有o的陌生，所以有少少驚。我就合上眼向下面一直飛，唔知是不是瞬間轉移，我返去頭先個朗豪坊。我向落地玻璃窗飛出去，出面係個好多地方都未開燈的城市，我掉下去。有一個男人見到我，佢想同我講野，但係因為我意識開始唔清晰了，所以我唔知佢想講咩。只係知道佢同我講野。之後我慢慢轉回夢境……
呢次係我開始學習出體兩年以來，最成功的一次。我本來以前細個開始有出體經驗的，近呢兩年開始學。今次第一次出了大約15分鐘，第二次大約5分鐘。不過我真的好開心！！！！！