shingo的經驗(050131)
尋晚睇番自己之前既post(中七學生)。知道除非自己於夢中醒覺，然後出體。否則就唔可以再練出體，因為用較鬧鐘方法會影響日常精神，以致無法溫書。
深深不憤之餘。覺得自己好無用。唔可以於夢中醒覺。於是再上出體網站，睇下有無其他方法。發現了提高醒覺性的方法。我照著做，提起手於床頭的方式訓覺。每次身體失去知覺，要入睡時，我隻手就跌落黎，於是驚醒。如是者七八次後，我不再提起手，移好身驅後就訓喇。
入睡後不久，於夢境中我竟然發現自己在發夢！！！我同我自己講係發緊夢。於是回到房間，命令出體。得左！！我第一時間穿出窗外，又得！！係夜晚，發覺一陣涼風吹黎，清楚聽到風聲，不久消失了。我於空中飛行，很特別(有點像超級撒雅人)，街下境物是不同的，然後我命令自己低飛。於是燕子般穿插街道中。迷惘左一陣，我想到要去宇宙，精神自動地集中在一點，其他境物看不見了，因我怕自己會回到驅體，於是猶豫，這時精神立即分散。我再度自由。於不平的路上飛，碰到地面，感到真實般的痛楚。接著發生情節，見到一堆人因塞車而爭吵起來。我離開唔到現場，一陣後，驚醒左。
我懷疑自己墮入夢中，即由出體降級為發夢。請問會唔會咁樣架？