scania的經驗(050212)
今朝六點幾醒左，訓「厲」頸><不過我都唔理，繼續訓。夢見自已搞完一大輪野跟住返左小學，然後見到「點解成幅外牆冇左既？」-.-'所以知道自已發緊夢，然後當然想出體啦。不過今次冇以前咁蠢，用訓覺的方法來出體，於是我不斷叫自已唔要幻像，但係冇反應。於是我狂刮自已塊面等自已清醒o的(原來真係唔痛架^_^)。但係發覺自已真係就快刮到就黎訓醒，所以停手。
就咁繼續行，然後唔知見到乜野就突然自已想：「咁我未即係出左體囉？」(但唔記得見到乜)
於是我就試下飛，我不斷叫自已飛，但唔得。於是我試下助跑，終於成功滑翔飛行。滑翔係因為飛好短就跌返落黎。然後想試下穿牆，但係因為唔知點解飛左去o的山卡啦地方，冇牆。所以我搵左舊勁大既石來試，我搵左個石「縫」位，先慢慢伸隻手入去，果種感覺令我想起侏羅紀公園1既其中一幕(邊幕就唔講啦，廢事大家反胃^_^)。然後慢慢成個人穿入去，而家想返有o的似人鬼情未了果度男主角第一次穿牆咁樣。入到舊石入面既境就好似仙劍電視版既大結局靈兒飛左入去水魔獸入面果到咁。
然後係入面爬左勁耐，一穿出來就見到一間響舊石上面鑿出來既屋(仲有度鐵皮門)，有個類似人既物體訓左響張類似安樂椅既物體上。因為一見到佢就心都寒一寒，所以冇睇清楚。驚得滯所以即刻穿埋剩返果少少走人，想即刻飛走，但係好似冇風放風箏咁剩係跳高再慢慢跌落黎。然後我跑上山坡跳落黎，都係飛唔到，只係慢慢跌。然後聽到有把憤怒既人聲，直覺話我知係頭先個條荗利，於是我係咁狂飛狂跌，跌跌下就醒左。