Saan的經驗(050219)
今朝醒左再訓，跟住響夢中訓醒，知道自己比鬼壓(之前試過幾次但唔知道可以出體，好浪費><)，跟住同自己講要出體，但過程唔容易。
我見到自己雙手，係半透明，睇到有幾條掌紋呈現黑線，好似highlight左咁。跟住好想出埋個身體，但唔得，好似比張棉胎壓住咁。於是試下浮起，合埋眼話要浮，感覺真係好似浮起左，於是張開眼，點知又發現自己響身體入面。於是再試下合埋眼話要浮，今次唔敢開眼，憑感覺想試下跳樓(我訓窗邊)，但穿唔過窗簾，於是試下由上格床跳，點知feel到一陣中級既離心力就停左，又發現自己響張床到，激死！
今次再試由個頭頂出，出極都係一半，好氣餒……於是放棄，叫自己真正醒。
其實我試過幾次想出體，但始終個上身同腳都出唔到，個感覺係好似比o的好重既野壓住，好用力都起唔到，究竟係咩問題呢？可唔可以指教下？thanks！！！
仲有我係一個晚晚都有夢發既人，有時訓醒都會仲好記得o的夢。呢個會唔會係我潛意識好想出體，所以發左一個咁既夢？