LMHguy的經驗(050103)

www.out-of-body-guide.com

  還記得當晚我比o的嘈雜聲嘈醒,發現係我呀婆o的鼻寒聲嘈醒左我。我睇睇錶,3點鐘(好似係岩岩好三點鐘),當時因為咁岩果日響香港搜奇會睇完篇點樣靈魂出竅既野,咁我就試下(我都唔知我點解會咁夠薑去試……我之前同o的fd仲有少少驚,驚番唔到黎,諗住都唔會試),還掂我都比呀婆嘈住,想訓都未必訓得番。咁等左大約10分鐘,我聽到我呀婆起身,佢諗住去廁所,咁我都去一去先出都好。雖然果篇野冇講到,但之後我響呢到都有睇過話去完廁所令個身體會鬆馳少少,咁我就去左。我訓番,過左好似三個字倒(唔知點解我會知道),我全身郁唔到,意識出奇地清醒。試下o的手指郁唔郁到(我每次想試下全身係咪郁唔到我都會郁下手指),郁唔到。我發覺當時連眼皮都打唔開,咁我點出體呀?

  我就係咁……衰左……仲有下文既,我響果陣我其間不斷聽到好似有個男人響我耳邊用緊大聲公講野咁,但我聽唔到佢講咩。呢個時候,我腦海浮現左一個我前所未見既影像,地點係一個中世紀歐洲地方,有一個噴水池,噴水池周圍比o的兩層用石磚搭既屋圍住,圍成一個圓形,屋同屋之間有o的巷仔比人走出去,噴水池附近仲有o的人既。我就係一個金髮既男仔,著住一件輕型戰鬥服。我知道我係一個騎士。我訓響其中一間屋入面,屋既周圍有人響到派書,我拎左一本書黎睇,見到入面係寫中文??但我唔記得左內容,同埋我仲好記得書面同書底果頁(即係封面)中間有塊木板,就好似我地日常生活入面D記事簿咁,即係果o的黑色紅邊既記事簿呢。果種感覺好真實,直到果陣,我耳邊仲係好似有人用緊大聲公講野咁……感覺好似立法會果o的議員係到拎住大聲公黎宣傳果o的咁呢。之後醒左,原來5點咯,果陣個身勁凍,好似而家個天氣咁。之後我係咁蓋被,之後10點幾起左身,成身出哂汗,即係果陣根本就唔凍,另外都有一個神奇現象,我果日神奇咁非常精神。