小邪的經驗(050220)
尋晚睇完阿樂發表果篇《轉載： 來自「安卓美達星系」訊息》後唔記得暗示就訓左。
今朝7點幾既時候醒左，於是開始練習。合埋眼心中呼喚：「安卓美達星人，我需要你既幫助……」
跟住好似聽到回應，講o的乜我唔記得左。不過大概意思係叫我唔好執著於肉體，教緊我出體咁上下啦。跟住個soul就向後「碌」出來，今次竟然出奇咁順利(我開始明白點解咁多人中意用「碌」，哈哈哈……)。
好，出體成功，開始活動(好忙啊好忙啊，因為想做好多野)。首先就試下用左手穿過右手，原來真係穿唔過，而且兩手有接觸既感覺。跟住飛到去門口想睇銀帶，唔得？我頂，唔夠遠。於是飛返入房打算穿過個窗飛到落樓下就肯定夠遠啦卦？？？伸隻手去穿，穿唔到？有o的懷疑跟住望下我張床。唔見左個body？我唔會真係起左身做o的咁傻既野啊？於是望住天花板大叫：「清醒o的清醒o的清醒o的……」
跟住一個超人姿勢飛上去。掂！穿左！跟住直接響上面飛落街，我頂！都無離心力既？打算上去再跳過(5555……我竟然唔記得左睇銀帶！)，上到去見到阿媽響下面話我唔知乜乜乜咁話俾塊紙皮我墊住先好跳(唔係卦？紙皮？？？？？)。跟住我即刻話唔使唔使(順帶一提，一出房門口我竟然見到姨媽同姨丈坐響廳，怪？上次出體見到我棟樓6F個師奶同各仔，呢次就見到……果個唔會係我守護靈卦？點解佢齋坐架？)。跟住既情節有d模糊。
跟住唔知飛到去邊上左樓好似搵我表弟玩，佢又唔知點解個soul入左個公仔，我叫佢快o的啦，我去下面果層叫埋另外個表弟。跟住又唔知點解返左屋企(姨媽同姨丈仲響度坐？？？)阿媽走來走去，我就搵阿媽阿爸響邊？佢話去左電話局定邊度辦野定乜，聽唔明，冇理。跟住又穿牆落7F，無乜特別。返上來，跟住阿媽話我好犀利乜乜乜之類，我同佢講我只係用左特別既方法咁上下啦。然後阿媽話佢去訓咯就入左房。跟住電話響阿媽叫我接(部電話竟然擺響廳個地下度？個廳而家先發覺空左好多，無左好多家私。)。
拎起個電話來聽，女聲：「已經接好啦(意思大概係電話線已經接好)。」
收左線我跟住話俾阿媽聽跟住就回體醒返咯。
完！
後記：醒岐先覺得奇怪點解見到阿媽既？仲同我講甘多野？
PS：好激氣啊！！！唔記得去探下過左身既婆婆！！！