小邪的經驗(050203)
尋晚通完頂今朝7點幾番到屋企洗個面就訓∼到點幾鐘俾電話嘈醒，唔理佢繼續訓。跟住開始發夢，好淩亂既夢。跟住開始進入發夢、醒、發夢、醒……既循環。
突然朦朧間聽到拍門聲：「啪啪啪……啪啪啪……x，開門啊。啪啪啪……啪啪啪……x，開門啊。」(注：x為我個名)
我想：「妖，邊個0甘煩啊？」於是轉頭望向房門(我房佈置係咁既：入房門左手邊係我張床，右邊係窗口。)點知我見到窗外有個影(佢左手拍窗，右手摞住個擦玻璃既擦，直覺話我知係鬼。)響度一邊拍窗一邊叫我(注：我住8樓)。
當時感覺超級驚恐(係一種無助0既恐懼)！！！突然想起前兩日係一個論壇度睇既鬼故。
當時我就即刻想：「個鬼故係真0既！！！」不過唔知點解係一瞬間恐懼全轉化成憤怒(奇怪，點解會係憤怒既？？？)，於是好有衝動想起身摞支丫叉去插佢，跟住突然發覺個身竟然郁唔到？於是不停咁同自己講：「冷靜o的，幻覺來架咋，冷靜o的，幻覺來架咋……」
之後慢慢個body就有番知覺啦。其實當恐懼轉化成憤怒既果一刻我意識已經基本上清醒晒，頂！！！！！浪費左一次出體機會！！！！不過都好啦，經過呢次我發覺原來我真係已經突破左恐懼啦。下次再來我一定可以更冷靜去分析然後出體既！