asdfoiewr的經驗(050214)
尋晚例牌菜，約五時直接出體，出到黎，黑媽媽，等極都睇唔到野，跟住回體。
再黎直接出體，今次即刻見到野，不過好暗，我行出廳，想睇銀帶，睇唔到，可能太暗。跟住飛出街，我命令變光，個天光左少少。一路飛，見到下面好似迪士尼既遊樂場。我想降落，但係唔知點解今次控制唔到，落唔到，跟住我響半空，我命令伸長隻手，落去捉住o的欄杆，雖然捉到，但係唔夠力扯個靈落去。
跟住繼續飛，心諗，唔好等降落啦，響半空睇銀帶都一樣姐，我回頭望，唔知係咪聽左chan姐講，一望就見到係紫藍色，好幼，一直伸展到無限遠，我望一望前面，再望後面，又見到條銀帶係純藍色，又望一望前面，再望後面，條銀帶又變左做黃色。又望一望前面，再望後面，都唔知乜野色，我用手拎起佢，又拎到喎，居然發現條藍帶係垂直咁一半藍色一半黃色，個質地好似尼龍繩咁……
再飛一陣，都係控制唔到個高度同埋降落唔到……回體。