asdfoiewr的經驗(050207)
尋晚4點半起身，5點訓，約半粒鐘，有訊號，我轉了出來，不過行到
出廳，又回體了(呢排成日係咁，可能同心煩有關)。
跟住再轉出黎，行出廳，好暗，今次又係做實驗為主，我令命變光，唔得，然後走入廁所，照鏡，太暗，睇唔到個樣，於是我變光隻手，得左，我伸隻手埋塊面度，照到自己個樣無變，我命令自己個樣變形，唔得，走返出廳，遠望窗外風景，試把影像拉近，ok，影像立即zoom近，個天光左少少，我見到廳個電視，我集中焦點，望住佢，用意念望穿佢，掂喎，真係望到入面o的電子野……醒左。
再出一次，我行出廳，個天好光，我飛出街，又係唔同現實，耳邊有
風聲，我在高處飛，望到很多人及建築物，我飛低o的，離地一兩米咁飛，見到學校，好多學生，我停落黎，見到o的樹，樹上面跌左一隻牛同羊落黎，黑色既，好似個波咁，係度彈下彈下，一班學生想用個好大既袋捉住佢地，o的學生示意要我幫手，於是我同佢地一齊捉，捉左一陣，成功將佢地入左落個袋度……醒左(頂……今次又唔記得睇銀帶)。