asdfoiewr的經驗(050402)
尋晚5點起身，5點半暗示自己要出體後訓返，約睡了半小時，醒左，訊號來了，我轉左出黎，企起張床隔離，睇得少少野，我等一陣，影像清返少少。我行去度門度，關左既，我用手開門，行出去。影像己經好清，唔係自己屋企，見到一個肥及矮的男人，佢見到我有o的愕然，跟住佢即刻走入廁所/廚房，搵一o的野。我感覺佢係想搵o的野出黎打我，我唔理佢，飛左出屋。
飛左一陣，感覺上都係地球，跟住我降落左係一個類似學校既建築
物，係個空地度，o的牆係灰色既。我試下伸手先，遠處有一道牆，我右手向前伸，距離道牆仲有好遠，我命令隻手再向前伸，我隻手不斷向前伸長，掂到道牆。好似功夫足球個龍門咁，無乜特別既觸覺。
隻手收返短，我又試下用意念令隻手發光，我舉起右手，試左一陣，唔得，再試，隻手只有點變紅。我再命令佢變光棒，隻手開始變形，無左手掌，跟住成隻手變左枝四方形長柱體，我再命令佢變光……有少少白光。跟住o的光變左一個一個既白色光環圍住隻手不斷由上至下移動(好似魔童既絕招咁)。
跟住我四維參觀左一陣，不過無人……回體。回體後訓番，有清明夢，不過我無出體，我想試下控制個夢啦。
點知隔左一陣，又墮回正常夢，o歨左次料添。