asdfoiewr的經驗(050128)
今日可能狀態不佳，出體既時間好短下，話說尋晚4點，起身上左幾個字網，跟住訓返，約半小時後，醒左，全身有強烈既信號，雖然強烈，但係好似好難出咁，我轉左一半又吸返入去，跟住我浮出來，成功，不過睇唔到野，隔左一陣，見到少少野，不過又回左體。
仍有信號，我再浮出來，成功，今次見到野啦，然後跌返落地，用膝頭哥落地，個膝頭有痛既感覺，環境好暗，響自己房，我諗住行出廳啦，又穿唔到度門，當時心諗要試老king教既練習，出唔到廳，係房試下啦，點知話都無咁快，又回體啦。
好在信號仍未散，我再出多一次(又係浮)，出到黎，我咩都唔理，飛出街，好在今次個焦點維持到啦，飛左一陣，見到工業區，我走到工業大廈內，有人，大廈入面好多四方形既窗，冇咩野睇，我諗住飛出去啦，點知飛極都出唔到去，穿出一個個的牆，都係用果o的既組成既，終於，視線好始糢糊，我知又要返歸，我即時叫自己清醒，又反覆咁望下手，又望下o的環境(當時發現自己隻手又係無左隻手指尾既)，勉強維持多分零鐘，都係飛唔出個大廈，終於回體。
之後訓番，有清明夢，夢中出一次，點知又係響果o的大廈果度，我週圍再搵出路，但係都係搵唔到(果陣又唔記得用瞬移)，好快又回體啦。
今次我發覺我響大廈入面係有另外既出體記憶既，所以清醒時既記憶唔係咁帶到入去，所以又唔記得左king sir既練習，而醒後又記不起當時的記憶。