asdfoiewr的經驗(050109)
尋晚約4點起身，去完廁所再訓。有清明夢，我立即命令幻覺消失，感覺有重離心力，正在高速穿黑暗隊道，感覺被風撞。穿左好耐，心諗：「正，可能穿左去外星！」
不過係咁穿，穿極都唔完，離心力又勁，心想如果再咁穿法要返個肉身咪好辛苦(果陣唔知點解會咁諗)，有一絲恐懼後即彈回肉身。
之後訓返在夢中再出一次，呢次冇隧道。一出黎，睇唔到野，等左好耐終於有野睇，應該係地球，係香港既地鐵站，係黃色為主。我四圍走，去左個紅色為主既站，o的人都似香港人，我心諗住一個同事，我見到佢響月台，呢個係我唯一講過我出體經驗既同事。我走過去叫佢幾聲，佢睇唔到我，佢好驚，已為自己撞鬼。我走開，所有人都見唔到我，我穿唔到牆，又瞬移唔到，無計，局住由電梯走上平地。出去後，響金鐘，中環一帶。又飛唔起，跟住想搵o的高位跳落黎(通常咁樣一跳之後我就會飛返)，我四維搵，同o的人都係互動唔到，無人見到我，果度真係好似金鐘，仲未搵到就醒左。