asdfoiewr的經驗(041231)
零晨約五時，我起身去廁所，好凍。我盡量響十零分鐘內整醒o的自己，然後上床訓。我出唔到，訓著左。大約訓左半個鐘，我又醒，有好強烈既訊號。我向左拉，轉，ok，出左黎。又係穿唔到門，感覺好真實。我見到自己個肉身同埋老婆，我摸o下佢，好有觸覺。我用手開門，出到廳，唔係自己個廳，四方形。我參觀左一陣，o的家私隔一陣就唔同左位。我視力好模糊，除眼鏡(我當然知道係多餘)，除完又可以再除。除左三四次，每除一次都會睇得清o的。因為穿唔到牆、窗，於是我行到個廳既盡頭，用力跑，一跳，撞穿個窗，飛左出街。
見到全部都係海，有o的墩船，艇。我不停飛，都搵唔到陸地。飛下飛下，我視力開始模糊，我不停命令自己清醒，都唔掂，醒左。之後又比我郁到個靈，於是又轉左出黎。一出左黎，我就飛出街，玩左一陣……醒左，我再訓返，又有清明夢，我命令自己清醒，立即感覺回到床出，於是我又轉多一次出黎。又係飛出街玩左一陣……醒左，繼續訓。
今日好好彩，出左三次，雖然無咩特別，都好開心。