asdfoiewr的經驗(041220)
尋晚4點起身，去過廁所，之後上番床訓。我擺好姿勢，命令腦部麻痺，然後向右慢慢拉出黎，成功。視野不太清晰，見到我老婆訓左係度，我走出廳。好大，有露台，明顯唔係自已個廳。我望下個日曆啦，好似1789，1879咁。o的字又係浮下浮下，見到o的木長椅，同一o的簡單家俱。
我由露台飛出去，企響地面，全都是綠草山坡。向左望，見到o的人響度練習放炮，好似古時o的黑色炮咁。我向右邊飛，又見到o的人練習用石頭放炮。個天好多炮，飛唔到被逼降落。
有條友渣住把長刀走過黎斬我，我變出一把長刀，一野斬死左佢，跟住又有兩條友走出黎斬我，我逃入一間好大既酒樓入面。佢地兩個把刀比我斬到得返幾吋，其實我都唔想斬佢地，但係仲好似o的喪屍咁追住我，於事我斬死埋佢地兩個……醒左。
我發覺捷隕好似有o的幫助，以前直接出體，半夜起身點都要等半個鐘先得，如果唔係就實訓著，而家唔洗喎，一醒左再訓都得，可以命令到個腦產生麻痺感覺，我帶左個零禮拜度，訓都帶住佢。