asdfoiewr的經驗(041208)
尋晚4點起身，4點半訓返，約在5時在夢中出了體，維持約5分鐘，好快醒，跟住再直接出多一次，呢次時間較長，差不多20分鐘：
一出來，我飛出街，看到一個像中環的地方，我飛落去行街。行左一陣，突然看見天上煙花四起，我飛上去睇真o的，點知原來有戰機襲擊，我避開佢o的飛彈，一路飛，很多飛彈射左落海。我繼續飛走，突然有一張無形的保護網保護住咁，o的飛彈入唔到黎。之後，我飛左去一條街度，個天好黑。
在路邊，見到一班好似響度等緊巴士既人，我行埋去睇真o的佢地啦，發現佢地o的樣同我地差唔多。個個木無表情，有種恐怖感覺，直覺上覺得
佢地唔係人，但係我求知欲強，我學亞樂咁問其中一個男人：「你死左未呀？」
佢答：「死左啦……」
突然我見到自己架車停左響路邊，我正想行埋去渣之際，點知我老豆突然走出來，渣走左我架車……我又飛左去第度四圍玩下。
感覺上玩左好耐先醒。