alittlefish的經驗(050227)
第一回
朝早6點幾醒左，無落床，再訓返。跟住就感到四周好大風，我知道我快要出體了，風越來越大，我亦好快就向後彈左出去。我一路飛一路見到我自己座大廈的外牆，於是我對自己說：「睇穿佢，睇穿佢。」跟住那些牆好似變成透明咁，我真係睇到牆裏面的情況，全是人在床上睡覺的情景。飛左一陣，我叫自己停下來，點知回體。
第二回
我無張開眼睛，我放鬆自己，又聽到風聲，於是我再度出體。一飛就飛左去一個樹林，我馬上伸手出來看，普通啦，手指有少少短左，我伸手出去，對隻手說：「變長變長……」唔得。跟住見到前面有個女仔，手上拎住支笛，我浮過去搶左佢支笛，佢立即屈住我，我唔理佢，對支笛說：「變光變光，光。」跟住支笛變左一支青色的營光捧，但係我又馬上回體。頂！
第三回
我死都唔醒住，我要出第三次，我感覺到風聲仍在，我對自己說：「我要去星光平台，我要去星光平台。」跟住我就浮左起來，見到唔係我間房，我又對影像說「即刻消失，我要去星光平台。」但間房無消失，咁我就穿過牆飛出去，見到好多高樓大廈，我再對自己說：「我要去星光平台，我要去星光平台。」我一路飛一路重覆以上那句話，接著見到有一座大廈個頂有個三角形，光光地咁。於是我飛過去，點知又回體。shit！