alittlefish的經驗(050128)
尋晚好早就訓，半夜起身去廁所，洗個臉後再訓過，訓之前提示自己要清醒。訓落無耐，已經感覺到上半身有少少麻痺，我試下轉出來，得左。第一次睇下四周圍，見到個窗，於是飛出去，一飛出去，就去左另一個房間，好大，有好多張碌架床，見到有人在碌架床上面，但間房暗暗地。於是我伸出右手來，睇到隻手，醒起要叫隻手發光，就不斷在心中叫：「發光，光呀。」
有喇，隻手散發著一陣白色的光，跟住我又再叫：「再光o的，光o的。」
點知隻手變左形，那些白光也開始變形，變左一團白火，我叫自己唔駛驚(其實有少少)，因為又唔痛唔熱，甘我就放番低隻著火手。
睇下四周，仲係一張張碌架床，每張上面都有個細路，我行埋去，佢地好似見到我，我一路行一路望下佢地，我見到佢地個頭光光地，無頭髮，好瘦下，面色黃黃灰灰，好似有病，又見到有個吊緊鹽水，我行埋去睇下去，個細路好細，最多五六歲，我感覺唔係太舒服，跟住見到有一部
升降機，我穿入去，黑哂，我想再睇隻手，但係已經醒左。