alittlefish的經驗(050124)
昨晚睡了無幾耐，我發現自己身躺於一個森林。見到天空上勁多星星，我對自己說：「我發緊清明夢了，快快出體。」
我意識叫自已浮起來，得左。我伸出右手望下，見到隻手喎。今次好真，掌心的川字紋全部現哂出來（證明係我隻手），我好開心，先打了一個後空翻，但打得好慢，跟住打多個前空翻，又係勁慢。
我索性平躺浮在半空中，忽然見到有一個發著黃色光的四方形物體懸掛在半空中。我浮上去睇清楚，發現係幾張四方形的紙，上面寫了什麼我看不清。於是又回來看看我隻手然後再望，發覺四方形紙仍在，但我看見那些不是字，好像是圖形之類，我唔識，所以不再逗留。
我叫自己飛起來，一直沿森林飛，見到一個彎位，我不自覺飛過去。我見到有一個類似大排檔的檔口，有個女人煮緊野食，我又看看隻手，再看看女人。佢身上穿著一件白衣，頭髮及肩，好樸素，好靚。我飛過去睇下，見到一陣湮在一個煲裏面升上來，好香（真係聞到有少少香架）。我望下個煲入面，淨係見到有煙，跟住個女人用手指點左一下，個煲旁邊立即出現左一隻雞。我望下佢，佢暗示我食，我好想食，但係唔敢。跟住佢開口同我講：「你可以食，不過你食左，世間就會少左一隻雞。」
我又望下隻雞，開始變暗，我唔記得睇手，所以好快返歸肉體。