alittlefish的經驗(050113)
由普通夢變清明夢再出體的歷程。
今朝發左一個夢，係普通夢(我唔知自己發緊夢)，我同我細佬在大排檔食緊野，我同佢說：「我又出體了，但今次唔需要收到出體訊號就出到。」
佢問：「你點出法呀？」
我說：「當我feel到肉體已經訓左，意識馬上觀想自已浮起來，就可以了。」
去到呢度，我馬上醒左，身在一個洞穴，卻仍在夢中。我知道自己發緊夢，跟住我回想頭先個夢，馬上，我覺得自己浮左起來，向洞外浮左出去。
然後我又醒了，係真醒，feel到自己躺在床上，但肉體仍在睡。我又回想起剛才那兩個夢，跟住，我叫自己試下浮起來(無出體訊號)，但失敗。然後，我叫自己坐起來，得喎，我個靈體坐左起來，再然後，我以180度轉身，就咁樣轉左出來了，好正。
我行左出去大廳，四圍望下個廳啦，跟住我穿過門行埋出去。咦？唔同左，見到一道大閘，我又穿過去，見到好多白色的藥櫃。跟住，我雙腳好似踩住浮板甘一直向前look去，一路上見到好多人，他們在一格一格商店裏面賣緊野。我唔想留連，於是命令自己離開去另一個地方。
本來想去to-do-list top1：10000年後的地球，點知，去左一個樹林。不過超靚呀，o的樹全部發哂光。我沿著樹林低飛，一路叫自己要清醒，一路上見到一棵棵發光的樹。我感覺好happy，樹的光是好多色的，好難形容。我低飛左一陣，見到有個池，池上面有一層彩色的霧，靚到震，我心想如果個肉身可以來就好了。馬上，我知道自己又犯左大忌，一想到自己肉身就要回去了，點知真係衰左，好快個層霧變得好暗，無幾耐就回番個肉體了。
PS：大家記住，出體千祈唔好想個肉身，只要集中意識的注意力在環境上就得了。