alittlefish的經驗(050104)
今次的出體經驗有些少特別，第一次收到出體訊號(上身麻痺)，又聽到我阿爸在大廳的聲音，我想浮出來，但係唔知點解出唔到，無幾耐醒左。
跟住我再睡過，無耐又收到訊號。今次感覺到是胸口麻痺，於是我便從肚臍附近浮左出來(好過癮)，然後穿過左房的外牆，浮左出去，見到一片好美的天空，真係未見過咁靚架，可以清楚見到一卷卷雲，好有層次咁在天上。跟住就飛起來，飛下飛下飛左一間屋裏面，見到一個陌生的地方，我想出返去，但係好似出唔到，於是就向下直插入地板(好享受可以穿牆過地的感覺，只要你試過一次，就會上癮)。
然後，咦？去左一條走廊，好似係自己屋企果條，仲見到一個鄰居，佢仲對我說：「你仲唔番屋企？」
我心想：「你見到我咩？」
佢立即說：「你快D番去啦！」
我當時突然間成個人好似醒左咁，我真係以為自己醒左，回到現寅世界，那種感覺好真實。咁我聽佢話，返去自己屋企啦，我仲伸手去開門，點知一伸手，竟然可以穿過道門，跟住成個人入埋去添。嘩，我嚇到唔識諗野，這時，我眼前的景像漸漸暗淡，然後我就真真正正在床上醒過來了。