今早某d原因，我響架車度(前右位)， 攪低左張椅，訓左一個鐘。其實根本好難訓得著，太光，所以我將頂帽遮一遮對眼，恰下恰下咁訓……卒之有一刻訓著左，仲馬上響夢中醒覺，「視覺」由夢中畫面轉左去車內。我立即向前飄，好順利離開身體，再穿過擋風玻璃，出左車頭，但眼前一黑，可能因為肉眼比光影響到，但我感覺到自己仲響車外，所以係咁叫「我要睇番野……」好彩好快再有返畫面(之後都仲發生過幾次咁樣)。

　　當時都唔知「黑左」時飛左去幾遠，去邊？！但應該都唔係好遠，o的環境都差唔多。我知道我當時訓得好唔舒服，一定好快醒，所以立即抬頭搵銀帶，我見到一條野，響遠處左前方到我頭頂左右，我一手找落o黎，感到係一條好韌既膠咁，粗意大利粉少少。顏色係藍色，但重複三個圖案。

____________ ........(藍色，間o的白色)同我心目中既∼完全∼唔同。

　　心諗係咪睇錯，再望上天，無。再睇呢條野連去邊，見到係連去我身旁一間屋內，無心機再去研究，亦知道都冇乜時間，就舉起左手，渣實拳頭，變，5隻手指溶左入手掌，本來想張成條前臂變成一條捧，但再變唔到落去，再舉起右手，渣實拳頭，變，亦都係只可以去到5隻手指溶左入手掌就完，跟住就醒左。