a的經驗(050106)
今朝6點醒左，之後訓唔番……大概8點幾，突然睜開眼，覺得有異樣，知道喱個係感覺視覺，唔係肉眼視覺。我冇嘗試勉強去郁手腳，知道一定唔郁得，唔想花一o的無謂時間，就用意識導向自己離開肉體，好順利離開。響床尾，馬上回頭望到自己個身體同張床， 有o的失望，睇到張床細左，肯定唔係肉體訓緊果張。
感覺上係酒店房，心諗：「又睇唔到牌喇，做乜好呢？」我一早寫好個to-do-list，咁我諗番個list，(好妄想咁諗)去花園好呢，定話維港搵龍好呢，還是搵守護靈，去復活島……？
一路行一路諗，手撞到牆，奇怪點解撞到而唔係穿過o既？因為以前都玩過穿牆，所以都無研究落去。仲係一路行一路諗，突然我爸爸響我面前出現，我見到佢對著我講野，但我覺得佢無理由會見到我，同時，我發現我阿媽響我後面，心諗佢地係咪對話緊而我只係企左響中間？
之後我忍唔住問我爸爸，佢話見到我，係同我講野……之後都唔記得講左o的乜野。之後一彈，回體。