a的經驗(041105)

www.out-of-body-guide.com

  擒晚成日坐係度做野一d運動都無,放工又無去gym,卒之訓得唔好,4am醒左到6am先再訓得番。

 
  訓訓下突然發現自己響架升降機度,有其他人,企我前面個人好似我爸爸,望真d,原來唔係。佢都眼光光望左我一陣。跟住好快就出升降機,隱約見到站名係叫「x天」,好似係「鐘天」或「藍天」咁上下。

  當時我都未知自己發緊夢……

  一行出去就發現果度~好似~金鐘地鐵站下面(中環去尖沙咀方向,車頭)。好多人過對面轉車果一個大堂。突然記起自己係訓緊,唔可能響度,所以好興奮意識轉一轉,個身好似光左一光,有番晒自己思想,當時一d都唔累,同以前好唔同。

  我飛起左小小之後成身唔郁得,但係好唔受控制慢慢咁自轉,我見到四處d人, 好似好悶,離唔開果度咁,只有一個女仔好活潑咁係車軌度跳下跳下。

  直覺講俾我知,果度係唔會有車到。當時有d懷疑係唔係全部都係幻覺,我一路同自己講,唔要幻覺……但所有野都無變。 

  我感覺到自己係著住對鞋,但係就跌就跌咁,我心諗,出左體,著鞋仲做乜,有得佢跌左,一心只係想可以郁番,之後無幾耐,覺得自己焦點唔可以再維持,之後焦點一變,眼前一黑,我知道已經係自己房。但知道仲「可以」,我再慢慢起身,唔得,再試,響個頭出,得左。馬上有影像。心諗,頭出(穿牆)照計應該係廁所。但眼見自己響一個陌生房中o既

「碌架」床,下格床,想起身行已經唔得……彈,醒左。