scania的經驗(040728)
好似有清明夢啦∼
但係好似仍然脫離唔到將夢境當做現實的陰影~_~還是我發夢發到自已夢清明夢呢？
當時我夢見自已在親戚家過夜，有次撻住拖咁落街，但撻撻下唔見左，只好赤腳返去。點知去到樓下見到對拖係樓下大門口，著返後想著橫掂冇野做睡個午覺試下出唔出到體(仍未知係夢境)點知當我一諗到出體的時候，突然成身痺晒，郁唔到。跟著唔知點樣想到自已係發緊夢(而家我想返每次發夢時我都係有好淡既意識隱隱約約咁話我知我係發夢，但我好少留意到，在夢中的自已就更難留意，當時正係呢個意識不斷擴大)，我想橫掂全身痺晒，不如試下夢中出體啦，但係當時我仍未擺脫夢當做現實的陰影，用上在現實世界的方法，結果彈了一下，回複原狀，還是在那個夢。(但當時的境物已經變左小小，跟著發生的事都同原本的冇乜關連。)
雖然我知道自已係夢，但唔知點解仲當緊個夢係現實，所以冇嘗試大規模去改變佢，於是我想緊做乜好，想到去第二個夢都仲想緊，當時係搭緊輕鐵返歸，架車好多人，想緊橫掂都係夢，不如試下極端o的，睇下搏人矇而週圍人同佢自已就算知道都唔出聲(好孩子千其唔好學)。然後成功，於是我便收手，因為我只係想做實驗。
但接著有個失敗的例子……
落左輕鐵後，原本應該係返屋企，唔知點解變左返學(可能又係第二個夢掛。)有人話有野同我講，問我星期日得唔得閒。我呢o的懶人係現實既陰影下緊係想星期日留響屋企打機架啦，問佢即場講得唔得，同時嘗試用剛才的方法令佢得，但竟然唔得，佢唔得就即係我唔得(改變唔到夢境)，於是我嘗試讓步，放學，都唔得(這段時間我一直嘗試改變呢個夢境)，聽日，唔得，星期四，唔得，星期五，唔得，星期六，得啦。
由於以上對話，因此我推斷當時夢中的時間是星期二。
但幾時對我來講已冇乜關系，因為講到星期五時我已經開始感覺到自已Feel到張床，我嘗試不斷命令自已忘記張床，但都唔得，只能感覺眼前越來越黑，越來越感覺到張床，最後醒了。
而前幾晚我發的夢我都記得，雖然記唔到最後，但潛意識話我聽(即係感覺)，我所有既夢響完全完結時都有個共通點(包括今次)，就是永遠都係無野駁落去既情況下結束夢境，正如今次，由於我推斷了夢中是星期二，由當時到星期六需時四日，雖然夢中的時間和現實不一樣，但在夢中，我門還是要經歷這時間的，假如一大段時間都係空白冇事做，夢境就會完結。