小邪的經驗(040826)
今日9點半左右，熱醒左，再訓。
開始練習~
今次唔知點解非常順利，非常容易就進入左麻痹狀態∼吸取左前幾次未完全出到體就玩完既經驗，我命令自己：「鎮定o的鎮定o的鎮定o的……」
等到麻痹感完全消失後，YEAH！開波！
首先命令自己浮起，然後慢慢向廳飛去∼但仍未睇到野，所以我不斷命令自己要睇到野。（雖然睇唔到野，但係自己身處既方位竟然完全feel到，真係勁！）
吸取上次唔小心睜開左肉眼既經驗，我呢次完全唔用力，只係不斷咁命令自己∼
ok！終於睇到野。個廳o的佈置唔同左？仲坐左對母子響度(係住我棟樓6F位師奶同佢個仔)？當時我想：「點解有客人阿媽都唔叫我起身既呢？」
而且我留意到，佢地既服飾係完全一樣既，白衫紅褲。當時我覺得好怪，點解會著成咁既呢？
跟住，我響個廳度飛來飛去。突然想起玩瞬移，於是就想見下我過左身既婆婆啦。於是努力想像我婆婆個樣，唔掂。
跟住就打算換個對象，搵我一個朋友(未過身)試下，都係唔掂。我頂∼覺得玩唔到瞬移好無聊，於是就穿過地板落樓下間屋睇下啦。原來我樓下間屋又幾靚啵∼然後就醒左啦，完。