kane的經驗(040927)
琴晚訓左4個鍾，之後打左4個幾鐘機，居然俾人拉左去餐館幫手＝．－”
３點鐘返到屋企，走左去訓覺。本來訓左3個零鐘都無訊號，係6點零醒左(中間都有斷斷續續咁醒、訓)一種寂寞既感覺突然湧上黎，之後想下想下又覺得近排好似無咩情感，唔會覺得開心、唔開心、驚……etc.(係打從心底果隻，如果係打從心底既話，胸襟都會有感覺)
但係種寂寞感令我好困擾，唔知自己響呢個世界既目的，之後再訓，就出左體。
本來唔多順利，試左幾次都唔得，之後有個「人」幫我(個陣剩係感覺到有個「人」既存在，不過又知佢響度幫我)。終於出到，一開眼(由於係由清醒夢轉出體，所以唔洗俾命令)見到地上白色，之後再望下周圍，發覺自己係舊雲上面。之後見到一個人(覺得佢係幫我出體果個「人」，佢問我第一眼看到o的咩，我就「話」，傳心術比較正確，因為我send左我覺得係第一眼見到既畫面俾佢，不過果個其實係第二眼XD。
之後我問左一個好奇怪既問題，我問：「點解舊雲好似冇意識咁？」
佢答咩我唔多記得，類似：「當我係一舊雲果陣，我都冇意識。」
之後有一種了然既感覺。
跟住佢邀請我一齊跳XDD，一跳之下，居然太大力，有o的失去平衡，不過又幾好玩。跳左一陣之後ａ＿ａ我問佢我可唔可以飛！過左一陣，話好，就飛左起黎(用超人既方法)。我同自己講，唔洗驚，助跑左一段，跳左起黎，不過都係衰左，跌左落去，之後變左跳下跳下XDD。不過跳得好高，之後又跌返去清醒夢。
醒左之後，發覺過左3到4個字。仲係好down，如果係以前我一定覺得好high，但係今次咩感覺都冇，又覺得好寂寞，之後就亂想野，發覺到呢種感覺係寂寞(之前唔知，剩係感覺upset)發覺到我完全缺乏人際關係。
之後覺得人好似粒子，要通過互動先可以獲得「能量」，又需要「能量」黎互動。
P.S.係舊雲度果陣果個「人」叫我唔好向下望，不過都係唔夠快，我都係望左XDD可能佢知我畏高＠ｏ＠