asdfoiewr的經驗(041115)
尋晚成晚都無訊號，不過好在有清明夢，係夢中出左體。好耐都未試過係夢中出體了，呢排通常都直接出。夢中一醒覺個夢就唔玩得耐，我立即命令出體，出體後，場景係學校，見番好多響中學同小學既同學響同一間課室入面，果種感覺同直接出體好唔同。
我同o的同學吹下水，參觀下個校園，過左一陣，場景突然轉左去碼頭。我飛去船上面，好多「人」排緊隊落船，唔知點解感覺到有少少出體訊號，心諗：「依？已經出左體咯喎，點解仲有出體訊號既？唔通仲可以出多次？」跟住我埃住欄杆，除訊號外，仲感覺個人暈暈地，好似想出想出咁，但係出唔到，然後我飛左去第度，係o的大廈既天台，o的暈暈地既感覺仲響度，於是我又試下出啦，試試下，真係出左，不過係去返出個肉體度。
P.S.唔知呢o的係咪所謂既二段出體呢？