asdfoiewr的經驗(041113)
尋晚早訓，3點起身，上左陣網，3點半再訓，訓著左，過左一陣，自動醒返。我坐起身，睇下個鐘，4點半，我訓低個身，即時感到強烈的出體訊號。不到一兩分鐘，我就碌左出黎，我行出廳，係天黑，個廳同而家個廳一樣。我命令天光，稍為光一下，又黑返，我開晒全屋o的燈制，都唔掂。之後我飛出街，降落左，跟現實唔同，個街好黑，我點命令都整唔光個天。見到好多鬼仔響個街度走黎走去，好細隻，不過佢地全部都唔埋我。之後我飛去第二度，終於見到市區，好多大廈，好以香港夜景咁，又係整唔光個天，之後我飛落去行街……
醒左後，發覺仲有微弱既訊號，我再出一次，成功，玩左一陣……醒返。
跟住又練o下心理時間。
有幾樣野諗緊：
1.出體前，訂立一些計劃，出體後雖然有清醒思想，但因行動太快，往往不能照計劃行事，有時又唔記得左個計劃，唔知有咩好做。
2.飛行時好難維持焦點，明明響a度飛緊，飛飛下就瞬移左去b。
3.刻意轉移意焦點，用瞬移，穿牆等，有時會好易醒。
4.練習心理時間時，除影像外，有時會突然得到一些記憶事件，不是此生發生的事件，得到時的一刻，是有感受的，可感受到上文下理，可用批判思考去推理，很難形容，事後立即再回想那事件的內容已很難。