asdfoiewr的經驗(041108)
尋晚照舊訓三個鐘，隔半個鐘再訓。而家我已經唔等鬼壓床，暗示左要出體就放鬆咁繼續訓，訓左約半個鐘，自動醒左。感覺到很在狀態，我左右咁碌，ok，郁倒個靈，碌左五六下，出左黎(又係發現自已得番條under)。我第一時間望番自己，除左見到自己同老婆之外，中間仲有自己個仔係度(當時我個仔係自己訓既)。
之後我穿門出廳，又係穿唔倒，合埋眼都唔得(真係唔知點解，以前不嬲都得個喎)。於是我用手開門出廳(又得喎)，發現廳中只得一兩件家俱，直覺覺得去左未來既廳，我又響度搵證據。搵左好耐，又係搵唔倒(下次都係唔好浪費時間)。其實當時日曆上寫左D中文字，我睇極都睇唔倒，於是我飛出街，飛下飛下，發現影像開始有問題，我立即不停叫「我要清醒」，之後影像清楚返(好在仲記得King sir講過)。
繼續飛，當時心諗，不如試瞬間轉移。我合埋眼，心諗要去我亞媽果度，諗住我亞媽個樣，一陣離心力，我張開眼，發現自己去左一個類似過山車既環境(起步點)。不過係室內，d車唔係車出街果隻，係車入個山洞，有排無人坐既車停左響度。「月台」上有個穿著制服類似女關員既人，佢問我想去搵亞媽既日期同時間。我地既溝通好攪笑，有時佢唔講野，用手台舉高個好大既白色牌(上面有數字)，當溝通要用數字時佢就用呢個方法。經溝通後，決定係尋日，上午9時至11時，然後我上車，車穿入出洞，我見倒d路軌好長，好多彎。行行下，影像又模糊，我再命令清醒，都唔掂，醒左。之後我試再出多一次體，ok(好好彩)，我知時間唔方耐，我即刻用瞬間轉移，居然又係去番頭先個女關員果度……(之後唔打啦，手軟)
P.S.其實我建議大家唔好放牌，d字真係好難睇，放d公仔牌仲好，例如大笨像，貓，狗等，一望埋去就知道係咩，仲要大張少少，可能會容易好多。