asdfoiewr的經驗(041102)
尋晚做左準備，四點上床，等了很久都無訊號。訓著左，不久又醒，及有訊號(呢排多數都係咁)，不過感覺上不是太在狀態，我浮不起，我左右咁碌，碌呀碌，終於夾梗比我扯左個靈出黎，不過出黎果一刻d離心力勁重，我見到我同我老婆訓左響度。我行出廳，個天好光，看看個鐘，2點幾，看看日曆，3月十號(又搵唔倒證據)。我走入廁所，照下鏡，又見倒自已喎，d傢俬位置同現實有d唔同，我叫幾次幻覺消失，都無變。今次出體同平時唔同，個人好實在，見倒晒自已d手手腳腳。每行一步都有感覺，同平時一樣，結果我去穿牆，唔得，穿窗，唔得，想飛，又飛唔起，真奇……
我無無無聊聊咁響度行黎行去(唔記得試瞬間轉移添)，隔左好耐，點知突然見個窗變左個大露台，正，望到出面好大雨，我命令出太陽，d雨細晒，但無太陽，雖然我係個廳飛唔起，不個我深信如果我跳出去係飛倒既，於是我好似超人咁伸高兩隻手飛出去，OK，飛倒喎，我飛到落街，見到好多人，無車，好似d好大既屋村咁，密度好低，見到d人好似有d係見到我咁，我試下搵唔搵到個屋村名啦，搵下搵下就比個肉身扯返返去，想唔郁再出都出唔到啦……