asdfoiewr的經驗(041024)
尋晚起左兩次身，都係唔成功。到今朝8點幾左右醒左，諗住唔起身住，試下心理時間先。中途很清楚地見到一座白色的建築物，過左一陣，個上身突然有點浮起。心諗唔通練習心理時間都可以出體？但因為當時係楝起腳同埋唔係最relax既姿勢，所以改為最relax既姿勢後再練心理時間，白色的建築物又再出現(當中亦有穿插其它較不清楚的影像)。
過左一陣，成個人就浮起左(真係出左體)，都係睇唔到野，跟住降落地面，開始有影像，我在自已房，走近睇下自已先，點知只係見到我老婆一個係度訓緊。心諗又係異時同空，我穿出大門，一路行，感覺到自已只穿一條內褲，唔緊要啦，橫掂出體都無人見到。繼續行，穿左入一個單位，無人既，跟住我向入沉，沉穿左幾個單位，都見唔到人。跟住向外飛，想睇下係咪一飛出去就又去左第二個世界。穿左幾座樓，出左個屋村，再飛出o的回頭睇下，我住天水圍既，點知見到好似響西九龍海上空回望長沙環既環境，跟住就比我老婆推醒左。唉！朝早出體通常都唔方耐……
P.S.今次係第一次無諗住出體既情況之下出到體。