asdfiewr的經驗(041025)

www.out-of-body-guide.com

　　尋晚半夜起身，隔左幾個字再訓，訓左好耐都唔得，個身就係咁震，訓著左。但訓左一陣醒返，我感覺全身麻痺，我試郁個靈體，ok喎。於是我慢慢咁碌出黎，成功，係自已房。我穿出廳，諗住搵下o的出體證據啦，望下個鐘，8點幾。時間唔同，因為我知當時應該係未夠7點半，因鬧鐘未響，再望清楚四周，又叫幻覺消失，都唔似係自已屋企。時間同空間都唔同，好難搵證據，於是飛出去(當時發覺自已又係無衫著，得番條under，真奇怪，唔理啦……)。見到o的大廈，求其飛入幾個單位睇下，見到有人，但o的人見唔到我，跟住我再飛出街(呢個時侯望一望自已，突然有番衫著)，好高，望到下面好旺，好似灣仔咁。我降落地面，o的人都好似睇我唔到，有好多車，o的車都幾快，我行左一陣「街」，唔知有咩好玩，心諗而家出左體，就算比車撞都無事啦，跟住見到一架貨車黎既時候衝出去，點知架貨車就撞到埋黎既時候自已自動閃開，唔通係自已仲有恐懼？但唔服氣再試一次，如是者試左三次都係咁，終於投降，繼續行街，行行下突然覺得影像開始糢糊，心知可能要醒，真係醒左。感覺到醒返既姿勢同出體前一樣，即係冇郁過。