asdfoiewr的經驗(041016)
尋晚四點半起床，上左陣網，四點十訓返。訓左幾個字，信號來了，我命令自已向上升，升左少少。反轉左再向上升，我想看自已，看不到，漆黑一片。我命令自已看清楚，不成功。之後慢慢降落左係地下，開始有影像，發現在自已房中，我穿牆出廳。心想，出了體不用眼鏡。除左佢，之後影像超清。很大的廳(不是自已家)，有很大的露台，像地下或一樓。我再命令幻覺消失，幾件家俱不見，但仍然唔知係邊，我向露台飛出，發現像在郊外，沒有大廈。向下望到一個男人，拿著槍，他一發現我，就即刻開槍射我。我知我唔會死，但本能反應咁避佢，又避倒喎，o的子彈好似唔係好快咁。之後我唔理佢，向上飛，飛左一陣，發現一個好大既類似遊樂既地方。我向住一排像列車的東西飛去，怎料被卡在兩排列車中間(一排向前行，一排向後行)，兩排車行極都見唔倒尾，於是我向上飛黎擺脫佢(唔知點解係咁既處境好似飛唔起咁)。終於都飛走左，到隔離的機動遊戲看看，有很大的八爪魚，很大的過山車……等。我心諗唔通係海洋公園？跟住即刻見倒個海馬形狀排列既花(不過我懷疑呢個係投射出黎既假野)，過左一陣，我聽到一個廣播：「XX劇場好高興今日請到XXXX作嘉賓(唔記得左)！」之後心諗，飛去山後睇下見唔見到海洋公園既其他設施先。跟住向山後飛，飛飛下，突然有離心力……醒左，慘！！