ascider的經驗(041105)
先講明，呢個唔係一個成功既出體REPORT，可能會好悶。
尋晚，OT到兩三點先返屋企，身體極累，但又唔係好眼訓，心諗，仲唔係一個最好既狀態試下出體？
上到床，攪左好耐好耐，個腦四圍游，大約四點，俾我第一次試到你地所講既SIGNAL，個口同塊面係咁震，好興奮……吞左啖口水……醒左……吹漲！
之後訓番，點知訓極都訓唔著，心諗：「大佬，唔好玩啦，聽朝仲要返工架，唔出啦，俾我訓啦！」之後個腦由開始四圍遊，又有SIGNAL，又係係咁震，但今次同頭先唔同，開頭只係個頭震，跟住個身都震，震震下覺得成個身唔郁得，鬼壓床掛，但又唔敢試下係咪真係唔郁得，因為驚一郁就真係郁左。命令自己飄起身，感覺都兩隻手同兩隻腳都飄左出黎啦，同自己講：「拿，今次唔好再吞口水啦！」……但係個身就硬係吸住吸住
出唔到黎。但都已經覺得好叻！
……算啦，第一次，都叫好成績，訓覺！
點知一訓返，又震，但就只係識得震，仲要間唔時成身震，係咁震，好似坐過出車咁，開眼停一停，又震返……死未？點訓？？！但就硬係出唔到黎。
之後唔知點樣，訓著左。