a的經驗(041025)
上星期我出左trip，有一朝早，響酒店房，好似出左體……
因為房間隔光得好好，幾乎睇唔到光，好黑，幾好訓。已經天光，訓訓下突然覺得自己90度角彈起身，企左響床尾。就因為呢個小衝力(離心力？)，令自己驚一驚，就馬上打開「眼」睇下咩事。
睇到四圍都好黑，只係隱約見到o的電視、櫃等等……
當時知道自己係訓緊，所以覺得呢個最少都係清醒夢。第二個反應係想光o的，咁我心諗：「光o的！光o的……」但係唔知點解唔得。之後又係因為敵唔過眼訓，幾秒之後完左。
之後醒左，我估，可能係因為自己個心認為間房當時係黑，所以超越唔到？！