a的經驗(040910)
咁算唔算夢中出體？
今朝7點突然醒左，未夠鐘起身，知道係好機會。
眼前由全黑轉有畫面，我「從來」都未試過睇住由「全黑轉有畫面」而一路有清醒意識，而且視覺好清楚。視覺比上次第一次出體更清（足足一個月前！），覺得好神奇。但呢次無任何出體前徵狀。上次係好正路咁──先睇到野，發覺鬼壓床，出體。
呢次，一開始就係一個大商場。以前我未去過。有o的人，當時我覺得幾穩定，可以行動，第一個念頭係搵鏡照，因為擒日我係谷度睇到o的post，知道照鏡會見到第二o的野。
一心想搵鏡，途中一路有o的人，好似想問我野咁，我無理。「行」得好快。無幾耐，視覺開始有小小唔清，我用意識轉清，成功。繼續搵，仍搵唔到，突然見到一個女性朋友從前面行過黎，我問佢有冇鏡，佢比左一個小化妝鏡我。我覺得太細，但好彩發現附近一道牆係鏡，馬上走過去照。居然見到自己，好正常鏡中自己。好失望。
之後視覺開始唔清，我都無用意識轉，可能開始發夢，我同呢個女性朋友一路行……坐電梯，當時有個sales問我借電話，我借左比佢，佢只係係我電話入左個number(4……8……)，無講野就比番我。我問佢點解，佢話已經得。之後越來越矇……我諗呢part同之後都係夢。之後醒左，起身。