a的經驗(040810)
朝早大概8點幾，我被鬧鐘嘈醒，拍snooze制，想再訓多一陣。當時我正面向上，訓訓下突然打開眼，睇到圍住窗簾邊既太陽光線，但發現身體唔可以郁。想必定係「鬼壓床」，嘗試好似做sit
up咁起身，試左幾次之後終於成功，當時好似隱約見到自己整個身體起身時既過程。
然後，我覺得自己企係身體右邊，回頭望見到訓左響床合上眼既自己。再望向房門，發現門消失左，見到廳，我行出廳，又再行返房，之後又再行近房門，呢次道門無消失。我嘗試穿門出廳，穿過時感覺好得意，再穿門返房，睇一睇床上自己。然後想穿牆出街，向前行左幾步都係漆黑一片，有o的驚，後退回房內。唔知道再可以做d咩，我行近自己身體，自行回體。