陳小明的經驗
話說有一日，咁我就睇左kingsir個出竅網站，跟住諗住：不如今晚試下……結果失敗左。第二朝起身，我見仲早，所以再訓過，再試多次，跟住……訓著左啦，我仲感覺到自己訓緊添！於是我試下出體，我試下慢慢起身，由於我驚會整醒自己，所以唔敢「用力」起身(此「力」不同彼力)，我只係不斷諗住自己要起身，同埋用思想去描繪一下我「起身」時既一舉一動，狀態，情況……
跟住，我感覺到自己好似一舊煙，而且仲飄起左……過左好似唔夠一兩分鐘就醒左啦。
1.我想問我係咪已經出體？
2.如果係，咁點解一兩分鐘就醒返既？kingsir網站話一般有三十分鐘左右，就算新手都應該有十分鐘啦？點解我咁短？
3.我感覺到自己係一舊煙既時候，我係睇唔到野既，我想問係咪要我自己o係心度諗住：「我要掙開眼睇野」，咁我先睇到野？
件事過左之後既唔知幾多日，我訓覺既時候，本來發緊夢，但唔知點解，我突然想試下出體(非常突然！我發緊夢既時候跟本唔知自己發緊夢，但當我突然想出體果一刻，我依然係唔知自己發緊夢，即係由非清明夢既狀態下出體)，由於上次既失敗，所以我今次決定唔用「我要起身！我要起身！」既方法出體，我直頭試下成個人用半物理半意念既方法出體(物理=我既身體，至於點樣「一半」法呢？我好難解釋)，結果，我終於起左身，但我細心咁feel下……唉……原來我只係成個人醒左，起左身……
1.我想問出體起身果一下應該點做？
2.我有近視，咁出體後睇到既野會唔會睇唔清？
大約十至十二三歲既時候，我記得我成日都有類似出左體既情況，我最記得既一次係咁既：訓覺，發惡夢，咁發親惡夢就自然想快d起身既啦，每人都有唔同既方法，我有兩種，一係就掙大雙眼(明既啦)，一係就用「半物理半意念」既方法，嘗試模仿自己起身既動作，整醒自己既身體(好似king
sir響網站講果招)，點知，我好似係醒左，而我知道自己雙手當係托住張床(要起身丫嘛)，但我最多只能做到咁，我唔知點解就再郁唔到(點解手都郁到但之後就乜都郁唔到？)，之後！＠＄＠^#^