習鑿齒的經驗02
分3parts，問題是part2－3
事源
part1
尋晚訓到2:30起身，4:00再訓，唔知訓左幾耐，突然清楚知道自己發緊夢，大概係夢既結尾，見到自己個同學行catwalk，佢愈行我愈清楚自己發緊夢，突然眼前白光，我知道開始出竅(我之前遇過出竅情況，但太驚，壓抑自己無出到)，今次……仍然太驚，結果也不成功，但醒過來前是聽到街外雜音，總比上次感受多了一點，醒後又是手腳全痺，我肯定是出竅跡象。
part2
之後想了一會，再睡過，這次忘記了有沒有白光，又係唔知訓左幾耐，突然個夢好清醒，自己響一個陌生城市中慢飛，當時可能之前有出竅跡象，令我覺得自己那一刻正在出竅(這正是我不肯定出竅還是夢，因為沒有白光階段，有可能是之前記憶，令我覺得是自以為出體)整個城市有疏落的人和我一樣穿插各大廈緩緩飛翔，可是每個人之間的距離都十分遙遠，遠得彷彿只見到一粒豆咁大，當中好像有聲音和我交談著，內容全不記得。
之後我從一大廈的室內往外飛出，從窗內想往外飛出時看到上方10點位有個飛得極慢，戴眼鏡，穿啡色大衣，目無表情既老婆婆望著一個方向(不是望我)直立式慢慢飛，起初我心諗難得找到個人，正常和她打招呼，她沒有理我，正和她有10m距離，突然一直和我交談那聲音喝止了我，我立即轉身高速飛走(奇怪，自己飛行控制自如，有龍珠feel)。
之後那聲音對我說，她是悲哀和傷心的？？？，如果接觸她便會？？？(？？？我聽不懂那聲音說什麼，只知當時我認同了那聲音的說法)
part3
繼續飛，飛近地面，看到有些路人，也很疏落，看到有個廿歲左右既女仔，步伐同周圍的人不同，個樣唔多開心，我飛埋去，問咩事，唔記得講左D咩，就知道佢原來係我個女，仲話我有3個女，佢最細，我果刻好似去左未來咁，我仲同佢講笑，我呢個樣就係妳老豆22歲個樣啦，佢笑左一下(好奇怪，我好似好輕易接受晒呢D事係事實咁)，同佢一路行，我一路問佢野(內容好多唔記得，傾左好耐)，我問佢阿媽係點(我老婆？？？)佢話佢唔會響呢度出現，而交談之中，好似朋友方式咁，最怪係，我同佢講咁耐，佢對我好似無咩印象(我即時諗，莫非我響佢出世無耐就死左？定係佢點錯相？)我問佢生活如何，佢原來好慘，被人賣左去做……(唔X係o丫)我大驚失色，佢其實生得幾靚，我覺得好無奈，同佢講左D(呢個時代)做人道理，點知佢仲知得多過我，話：「乜你個時代仲講呢D野教人架咩，我被她的話嚇壞了，我問佢住響邊，佢話……新畿內亞……(被人賣……？？)愈講愈傷心，我果陣內心up住，好想幫佢又唔知點做，我當時有個念頭，拍著雙手，集中精神製造了一條銀色十字架頸飾比佢，點知真係做到，我親手幫佢戴，叫佢堅持自己既人生，唔好放棄，跟住見到個穿金戴銀既30幾歲女人話係佢大家姐……咁咪即係……佢又係做舞廳……但佢好似D爛佬性格，好自私果隻(莫非係佢賣左個妹？)，我問佢中間個女響邊，佢話佢自閉架，成日唔搵野做，態度傲慢，我好down，之後見到我已故既亞麻，我同佢講佢地既慘況，但佢無理我就走左，跟住有幾個而家既fd話有佢地D相，我一睇，好多人，似係我做主角相，背景係poly u(我讀緊ive喎……)。好似有我，其餘D人……未見過，跟住鬧鐘一響，7:00，醒左~
我唔知part2-3係咪出體，因為呢次醒無痺到，我希望唔係真啦，如果係既話我真係唔知點，總之而家有ddown，有無人解釋我所見既野……thx~