習鑿齒的經驗
尋晚正常咁訓，沒有故意先睡4小時，但係好倦咁訓，估計訓左冇耐，無啦啦突然覺得耳仔有「宏宏」聲，眼是合上的，但感覺到有矇矓白光慢慢向我照過來，身體感覺到好慢咁上升，感覺最強烈係手掌位，所以知道大約升起半隻手位時，突然好清醒，猛然想起你地呢個谷既討論話題，由於我未出過體，昨晚亦無打算出體，所以一時心理未準備，驚了一下，因為來過此谷，所以驚不是因為不知發生什麼事，而是心理未準備，身體感覺慢慢下降，但正在想如果我出體會做D咩時，身體突然再次升起，又有「宏宏」聲，白光，我果陣一諗到出面係半夜，驚撞鬼，於是係咁叫自己醒，又因為手掌感覺較強，嘗試在身體下降時郁動手指，結果感覺到手指幾乎沒有觸角，只有微弱的感覺是我用意志控制手指活動的，最後醒左，隻手幾痺，開了眼，郁下四肢感覺一下，有D痺，仲即刻諗話第2朝一起身就上黎呢度問。
其實未發現此谷時我也試過訓訓下耳仔有「宏宏」聲，唔記得有無白光，但身體係得番比喻係1%既觸覺，果陣我以為比鬼壓，不斷叫自己醒同掙扎。
我想問自己係咪出體?
如果係既我想知D矇矓白光係代表咩?為什麼我什麼也沒做也會出體？thx~