阿樂方舟的經驗(040609)
禽晚凌晨五點訓，訓之前多謝左好多個高靈，多謝佢地教導小小明，訓覺。訓到十點俾貓bb嘈醒，起身餵奶，之後去廁所，飲杯清水再訓。
發夢果陣都醒醒地，因為係咁發飛行夢，當我覺醒時，發現自己在黑暗之中浮下浮下。
我知道可以出體，於是伸出雙手爬出去，感覺上我好似爬緊條梯，爬左好耐都仲係黑媽媽。
我邊爬邊命令自己清醒，爬左好耐，終於見到野。我爬緊一條好高既白色梯，眼前係玻璃窗，窗外鳥瞰尖沙咀新世界中心果一帶，但係新世界中心唔係度，卻見到一大座惡魔彫像。(景象好似旁晚既尖東)彫像上空徘徊著一隻大飛龍，牠好似感覺到我在爬梯，一邊飛一邊怒視著我，像叫我落番去。我飛番落地面，隔空推開玻璃門，門口有一男一女的賣藝人看見我，見到我好似想走咁，我大叫佢地問道：「等等∼∼∼呢度係邊度黎？」
男人拎出一枚硬幣，向天空擲出，一邊說：「讓你看一看威力吧！！」硬幣下來後，他又說：「這裏很少。」我半迷惑地答：「明白，這裏很細。」
我向著惡魔巨型彫像底部的入口前進，看見原來有很多人在排隊進入，咩人種都有。
突然間，有一個兇神惡殺既女人走出黎襲擊我，我本能地反擊，最後打到佢個頭扭曲晒咁攤左係地上。
行行下，見到人龍中有一個黑人鬼妹幾靚，於是我飛埋去擁抱住佢。(慣性！？：p)佢隔離左右既朋友好似好驚我咁，通通讓開俾我打尖……@_@"冇耐，人龍開始進入，我一邊行一邊以激差既英文同鬼妹講野：
我：「Are
You Died？」(又係慣性！？：p)
佢：「No！」
我：「Why
you are here？」
佢：「I
don't know！」
佢：「Where
are you come from？」
我：「Um……China……」
我：「I
am still Alive！！」
佢：「I
know，in here，forget
it，and don't tell this to
other！！」
我地跟著人龍進入左彫像內的樓梯，樓梯牆上有好多電影海報，不過好似全部係三級片，咩SEX……等等字眼……
我繼續問：
我：「Do
you know the Dragon！？」
佢：「Yes！」
我：「For
what！？」
佢：「I
don't know……」
我望一望後面的男人，佢o的眼神又係好似好驚我咁，本來想問佢飛龍既事，不過睇佢個樣我已經feel到佢又係乜都唔清楚……之後，我醒左，醒時約十一點。