阿樂方舟的經驗(040604)
今朝訓下醒下唔知幾多次，有一次再訓既時候，發覺自己係清醒咁訓，望住個黑暗好清醒。
在黑暗之中，我又用「看3D圖」的方法對準黑暗，漸漸地我進入左俾鬼責狀態。
feel到自己浮浮地，於是我起身，影像很模糊，我不停命令自己：「我唔要幻覺，我要睇清楚……」
唸左幾次，影像很清晰，我又響我老爸家裏「起身」，我發覺我既視線又有野阻住，好似帶左眼罩咁。
上次千里眼係咁樣，所以我行出露台，今次又試下∼∼∼
我望住樓下很遙遠既黃色私家車，用千里眼zoom大，可以zoom到好大，大到填滿雙眼。
玩完覺得唔好玩，於是我唔再用千里眼，但係zoom極都zoom唔番正常視界。
迷惑地，我摸一摸自己個頭，咦！？點解我戴住o的野既？我除左落黎拎住望一望。
原來我帶住個一個好科幻既眼鏡，有o的似x-men果個隻眼射死光果個眼鏡，不過我果個幼身好多。
個眼鏡仲有條天線，同埋有一粒橙色燈不停咁閃，好似好型好款。
我奇怪點解自己有野戴住∼∼∼於是又用手摸一摸自己個身，咦！？點解我著住緊身太空衫？
我埋去塊鏡到照鏡(塊鏡同現實既位置一樣)，見到自己個樣，個樣有d唔同，頭髮更加長，成個王小龍咁，右眼被頭髮遮住，但同現實既我都有八成相似。照完鏡之後……醒左……@_@”