阿樂方舟的經驗(040519)

www.out-of-body-guide.com

發夢搭緊巴士,突然間知道自己發緊夢,於是我穿出車外,瞬間被高速扯走……

由彩虹村開始,我朝九龍城方向急衡,沿途經過新蒲岡,太子道東,九龍城……個九龍城有o的怪怪地,有時o的樓係天上面,高速公路中間竟然有草……最後「逢逢」聲沒入黑暗……(好爽!!!:p)

冇耐,影像出現,我係香港果邊,好熟口面既公共屋村,好似係筲箕灣果個咩咩村……唔記得咩名……

我係空中,見到有個屋村商場,我係平台度降落。落地之後,我發覺我不停咁嘔血,大鑊,個肉身口乾,我極之唔想咁快返去住,又冇理由返去飲水……@_@"突然有幾個小朋友走過黎,我下意識知道佢地係鬼,因為佢地個樣青青地色。我問個小朋友,有冇紙巾賣?(指嘔血的事)個小朋友話:「俾錢∼∼∼」我左手襟住個口,右手唔知幾時係個褲袋拎左幾個大餅出黎俾佢「佢又唔知幾時拎左一疊紙出黎俾我……(我要紙巾……@_@")

我拎住疊紙襟住個口,但係就快頂唔住,我四圍搵水飲,走左入個公廁入面,開住水喉狂飲水。

呼∼∼∼終於止左嘔血,可以繼續……(心靈上滿足!?令肉體滿足!?)

我行出廁所,問對面報紙檔既老闆:「呢度邊度黎?」佢話:「廣原村,1942。」

我:「1942!?」

我見個村冇乜野好玩,於是口中默唸:「海洋公園……海洋公園……」但我既意識卻想起大嶼山大佛……(思,言不同步)所以冇反應,去唔到,我竟然想像唔到海洋公園係點樣……oh∼∼∼∼

冇計,唯有響度玩,我一腳踏落地面,一野標左上天,有o的似奇洛李維bp

在夜空中飛行,左穿右插,突然間橫風橫雨,我降落在一個行人隊道內,仲見到一個「鬥雞眼」既阿婆。(注意:此時的現實世界又係無啦啦下左一場雨,我醒左之後知道)

心血來潮,我緊閉著自己,任由外界的風吹雨打,雙眼緊閉,感受黑暗,漸漸地,我感受到所有既一切都係幻像,唯有「我」是永恆的,四周既景物開始軟化,融化,地下開始變得軟綿綿,我訓係軟綿綿既地下度感受著所有一切,在黑暗之中感受,感受到自己與其他東西正在融合……

Do……Do……電話有message,嘈醒左我……又係和記∼∼∼xhgxkjxhxtxkjy……