阿樂方舟的經驗(040508)
今朝六點訓覺，十點俾貓貓嘈醒。再訓，冇耐就發覺自己墮緊黑暗隧道，再等，墮完。
還未睇到野就醒左。再訓，感覺到自己浮緊，即刻醒覺自己可以出發。我抽自己既手手腳腳離開黑暗，之後倒頭中落去……
中落黑暗隧道時，我貪得意試下其他動作，360度轉、垂直跌、打橫跌、扮超人咁跌……乜都做過，不過都仲未跌完。
好耐，感覺到跌完停一下，又再chock一chock再跌，好似玩左幾次跳樓機咁，終於跌完。
隧道途中聽到好多自己既潛意識聲音，有打機既槍聲、有心聲、乜聲都有……好熟悉。
當我就快出隧道果陣，已經開始看見影像，一個3D多邊形加ToonShadering貼圖既中世紀城堡出現。
我跌左落一個草原上，任何可見的境物都係卡通3d咁款，山，花草，樹木，河……等等全部都是。
很奇幻，突然間有個貌似林克(薩爾達傳說)既卡通公仔飛過黎對住我揮手講：「多拉！」
我望住佢同返佢講：「多拉？？咩多拉？」我覺得很出奇，於是我命令所有幻覺消失，影像閃左一閃，同之前冇乜分別，到我搵番林克果陣佢已經唔左……風景好得意，o的魚響空中飛，仲有泡泡係個咀度上升。
有玩過3d卡通game既不妨想像一下，唔係實景黎。冇耐，我老婆打電話俾我，嘈醒左……@_@